إنجاز INJAZ

شارك بخبراتك و تطوع معنا لمدة ساعة في الأسبوع لإعطاء دورات إنجاز في المدارس و الجامعات خلال 6-8 أسابيع.

انا صراحة قدمت طلب عن طريق الانترنت من نفس موقع انجاز الالكتروني و انصدمت لما حكوا معي تلفون يحكولي اني اداوم في مدرسة كذا بتاريخ كذا....

يا الله احنا شو بسيطيين و طيبيين و على قولة جدودنا "صفي النية و نام بالبرية" و على هاد المبدأ احنا عايشيين.

يعني مش هدول شباب و بنات في سن مراهقة مش المفروض في مقابلات لمتطوعي انجاز قبل ارسالهم للمدارس, التأكد من المعلومات اللي ارسلوها صحيحة او لا , لأنو برضو على قولة جدودنا "ابليس بيعرف ربه لكن بيتخابث عليه"

انا لو مسؤولة بهمني الموضوع جدا جدا... عشان هييك انا مش مسؤولة لأنو مثلي المفضل " امشي الحيط الحيط و قول يا رب الستر " هههههههههه

استغراب تكنولوجي فقط

انا مش كاتبة و عشان هيك بستخدم اللغة العامية J

كتير حلو انو نواكب التطورات التكنولوجية و الاحلا من هيك يكون عندك امكتنيات مادية و عقلية تستخدمها , بس صراحة انا بستغرب انو بالفترة الاخيرة زادت الندوات و الاجتماعات و المؤتمرات اللي بتعرض عن التكنولوجيا اللي ما اخترعناها و ما طورناها بس بنعمل مؤتمرات (cool)  براعاة ذهبيين و فضيين و برونزيين .

انا بس بعبر عن رأيي في بلد(الاردن) سبق كافة الدول العربية في تحرير سوق الاتصالات بناءا على دراسات و احصائيات موثوقة و مع ذلك عنا معدلات البطالة مرتفعة خاصة لدى فئة الشباب في مجال تكنولوجيا المعلومات , طيب انا مش فاهمة هاي مؤتمرات تشجيعية  او تثقيفية او شبكة تعارف 3D.

كلنا بنتأنق و بنلبس اللي عالحبل و بنحمل ورقة و قلم نسجل و بعضنا بحمل ال I Pad  او laptop حسب كمية ال cool  اللي احنا فيها و بنستغرب و بنتعرف و بنروح و بعديين شو استفدنا , وين اشتغلنا ..

يعني بالله عليكم شو استفدنا احنا بدنا شغل..

نعم نعم احنا ناقصنا الالهاااااااااام ... هههههههه