WTF أم عليك اللعنة!!

كنت واقف معك كاسة نسكافيه سخنة , مر واحد و خبط فيك انكبت الكاسة السخنة ردت فعلك كانت (WTF) ردت فعل الشب :sorry dude ما انتبهت و بعدين صرتوا اصحاب !!

كنت واقف معك كاسة نسكافيه سخنة , مر واحد و خبط فيك انكبت الكاسة السخنة ردت فعلك كانت (ترجمة WTF بالعربي (عليك اللعنة)) ردت فعل الشب : كف بنص صباحك !!

سوسو صارلها ساعة بتستنا فوفو , اجت فوفو و سوسو كانت مصبة: WTF وينك لهلأ ؟ فوفو حكتلها : sorry اتأخرت عليكي, و كملوا shopping.

سوسو صارلها ساعة بتستنا فوفو , اجت فوفو و سوسو كانت مصبة: (ترجمة WTF بالعربي (عليك اللعنة)) وينك لهلأ ؟ فوفو سحبت حالها و راحت و انقطعت علاقتهم.

عشان هيك خلينا على WTF لأنو مش دايما اللي بتعرفو احسن من اللي ما بتعرفو!!

ياللا اتجوز و عدّد

كان عمرها 23 سنه تخرجت من الجامعة و زي كل البنات اجاها العريس و بدت الأحلام بفستان العرس و الحفلة و البيت و الحياة الجاي و المستقبل ..

بدت الحياة زي كل الناس و صار عندهم 3 اولاد حلوين حياة طبيعية فيها طلعات و نزلات و زعل و فرح 

خلّفت و ربت و اعطت و كبرت و بدل ما ترتاح مع زوجها اللي كبر معها شاف انو اجا الوقت اللي لازم يتكافأ فيه على اعماله الخيرية انو طعما و اولاده و درسهم و عمللهم بيت و صار لازم يتجوز ..

ليش يا زلمة يا رجل يا ***** 

ليش المرة اللي كملتلك حياتك تيجي انت في اللآخر عشان فراغة عينك و دناوة نفسك تنقصها قدام حالها ..

طب هيي ما بتحس و كمان اولادك ما بحسو؟؟ ما بدهم أب و استقرار.. شو هالعيشة لما تكون انت مبسوط و فرحان برجولتك و امهم بتعيط ليل نهار اه بتعيط يا **** لأنو لسا كان عندها أحلام لأنها طلعت بتحس يا ****

و يا سلااام ما اجملك ٥٠ سنه و لسا مرتك الجديدة بها تحمل لأنو سبحان الله هاي طلعت بتحس و نفسها تخلف!!!!!!!!

نفسي أفهم ليييييييييييييييييييييييييييييش؟؟؟

Valentine's Day " circle of people am sick of"

I am sorry sometimes i cant ignore things like what is happening on FB and twitter; you don't wanna celebrate valentine's day from your point of view you are right and that is a good thing to stand up for your beliefs but what i don't understand when it is related to what is happening in Palestine i don't understand people for generations kept grieving and not accepting without doing anything to their country except of blaming others or things or events ... 

لما تسافروا و تطلعوا تأرجلو و تروحوا سينما و تحضروا اعراس كلفت مبالغ :ما بشوف حدا زعلان على فلسطين 

so i think grieving is just a habit...

عقبالِك... يلعن شرفك

رواية رائعة لكاتب أردني رائع "عروس عمّان" للكاتب فادي زغموت .. انا قرأتها و كل صاحباتي اللي بحبهم نصحتهم يقرؤوها, رواية عنّا , عن مشاعرنا عن الغلط و الصح اللي بنتحبط فيه عن مجتمع مفصوم زي ما بتحكي حياة, عن نجاح و فرح لا يكتمل إلاّ بعريس زي ما حكت ليلى, عن كلام جارح بنتعرضله دايما من ست ليلى و سلمى ... هاي قصتنا اللي بنلملمها و بنرتبها و بنخبيها..

مجتمعنا صعب لأنو الفتاة اللي مش متزوجه هي :"متهمة لحد ما تثبت برائتها" أو سيبدأ التصنيف "عانس" .. و لما البنت تزعل من الكلام ببدو الاهل : بدنا نطمن علييكي , خايفين عليكي.. بالله جد seriously!! يعني لما اتعلم احسن تعليم و اشتغل و اعتمد على نفسي هيك ما بتطمنو.. ليش نرضا بأي شيء ليش نقدم تنازلات ليش ما نكون مرتاحين و متأكدين انو هاد الشخص اللي بدي اشارك حياتي معو ليييش .. ليييش و لما نجاوب هيك بحكولك ما توقفي نصيبك المهم ابن حلال...

بتعرفو ليه هيك بنجاوب لأنو ولا وحدة بعرفها اتطلقت و اخدت مؤخرها اللي هو حقها الشرعي و لا وحدة بعرفها تزوّج عليها زوجها حسب الشريعة و العدل .. لأنو جوّاتي ثورة , غضب و تعب و مع هيك عندي أمل بالحب و الحياة و لسا مشاعرنا غالية كتيير و افكارنا بتشكِّلنا ...

و عقبالكم يا صبايا و عموما صورة اليسا او نانسي عال FB ما بتجوزك هههههههههههههه ومتل ما بحكي المثل :زوج من عود خير من قعود ههههههههههه

HSBC الأردن

أولا كل عام و الجميع بخير ... ثانيا و الله وا انا عارفة ازا ممكن اتحاسب على هاد الكلام ولا لأ بس مش مهم " مش فارقة "

HSBC و ما ادراك ما HSBC : بنك نصااااااااب من الدرجة الأولى أنا عميلة عندهم من 2007 , مع الزنقات المالية اللي صار الواحد يمر فيها صرت اتبّع لكشف حسابي و بتفاجأ انهم هاد الشهر ماخدين 1 دينار "PAPER STATEMENT CHARGES" مع العلم اني محولة e-statement من زمان عشان ادخل السحب على 10000 دينار جائزة هههههههه و كمان انا قديمة عندهم و مهمة "so" انا هلأ advance يعني برضو بياخدو مني 6 دنانير للخدمات الاضافية للعملاء "المهمين/الخرفان"و اكتشف انو مسؤول حسابي طار مع هاللي طارو و ما عندي مسؤول حساب .. صراحة في كتيير دنانير و فراطة و غرامات مش فاهمتها بتنخصم و بس اسأل بنرد علي بنفس الجواب: آنسة هيك ال system " ... أي يحرق حريش هييك سيستم ابن *&^%*&# اللي نازل يتحكم في *&^$#@$^&* .

بس بجوز فصدهم واضح من الدعايات و الصور: 

مزبوط ما في زي ال HOME أمك تلطش من جيبة ابوك الفراطة , ابوك ينصب على خوانك الصغار بالعيدية , خوانك الصغار يلطشو فراطات اللي بالشنتة و السيارة ... عشان هييك HSBC IS MY HOME

صح لأنك دايما راح تتساءل ويييييين المصاري بروحو...

طيب ليش ما حولت على بنك ثاني لأنو بقلك المثل : **** بتعرفو أحسن من **** ما بتعرفو ههههههههههههه