رواية رائعة لكاتب أردني رائع "عروس عمّان" للكاتب فادي زغموت .. انا قرأتها و كل صاحباتي اللي بحبهم نصحتهم يقرؤوها, رواية عنّا , عن مشاعرنا عن الغلط و الصح اللي بنتحبط فيه عن مجتمع مفصوم زي ما بتحكي حياة, عن نجاح و فرح لا يكتمل إلاّ بعريس زي ما حكت ليلى, عن كلام جارح بنتعرضله دايما من ست ليلى و سلمى ... هاي قصتنا اللي بنلملمها و بنرتبها و بنخبيها..
مجتمعنا صعب لأنو الفتاة اللي مش متزوجه هي :"متهمة لحد ما تثبت برائتها" أو سيبدأ التصنيف "عانس" .. و لما البنت تزعل من الكلام ببدو الاهل : بدنا نطمن علييكي , خايفين عليكي.. بالله جد seriously!! يعني لما اتعلم احسن تعليم و اشتغل و اعتمد على نفسي هيك ما بتطمنو.. ليش نرضا بأي شيء ليش نقدم تنازلات ليش ما نكون مرتاحين و متأكدين انو هاد الشخص اللي بدي اشارك حياتي معو ليييش .. ليييش و لما نجاوب هيك بحكولك ما توقفي نصيبك المهم ابن حلال...
بتعرفو ليه هيك بنجاوب لأنو ولا وحدة بعرفها اتطلقت و اخدت مؤخرها اللي هو حقها الشرعي و لا وحدة بعرفها تزوّج عليها زوجها حسب الشريعة و العدل .. لأنو جوّاتي ثورة , غضب و تعب و مع هيك عندي أمل بالحب و الحياة و لسا مشاعرنا غالية كتيير و افكارنا بتشكِّلنا ...
و عقبالكم يا صبايا و عموما صورة اليسا او نانسي عال FB ما بتجوزك هههههههههههههه ومتل ما بحكي المثل :زوج من عود خير من قعود ههههههههههه
انت الرائعة عبير.. شكرا على الكلام الجميل.. و انشالله بيصير مجتمعنا اكثر تسامحا و انفتاحا و برحم بناته اكثر..
ReplyDeleteعلى الرغم من انا بنقرأ هيك اشياء كتير وبنحكي اه والله هاد الحكي صح بس بتلاقي اكترنا او كلنا بنعمله . بس انشالله المجتعم يتغير يغير طريقة تفكيره ولو البنات نفسهم يغيرو تفكيرهم بهاد الاشي
Deleteموضوع بجنن :)شكرا لالك اختي العزيزه
كلام سليم! أبدعت عن جد!! وشجعتيني أقرأ الرواية!
ReplyDeleteالمجتمع ما برحم البنت وهي عزباء ولا وهي متزوجة ولا وهي مطلقة ولا وهي أرملة. بجميع الأحوال منتقدة.
يعني إذا تأخرت وما تزوجت بحكوا ليش؟ ابصر ايش عاملة
وإذا متزوجة متى بدها تجيب ولاد وإذا الله ما عطاها ولاد ابصر العوق منها شكله لازم جوزها يتزوج عليها شو جابره بهيك عيشة؟ منيح اللي ساتر عليها
وإذا جابت ولاد.. شوف كيف مش عارفة تربي ولادها
وإذا متهنية مع جوزها، جوزها خيخة وهي قوية. وإذا مورجيها نجوم الظهر بصير هو زلمة وهي بتستاهل خليها تتربى!
وإذا تطلقت هي السبب
وإذا ترملت أي طلعة أو أي فكرة تتزين أو تحط شوية مكياج ببلش الحكي واللت والعجن
بس تعرفي المجتمع هيك لأنه المرأة نفسها قاسية على نفسها وبتظلها تحكم على حالها قبل ما المجتمع يحكم عليها. عشان هيك لازم الواحدة تحب حالها كيف ما كانت حياتها وما يهمها الناس. ساعيتها بس راح يصيروا الناس يحترموها
تحيااتي!!
thank you all for the nice words , that is right Aseel women do this to themselves even they are hard on each other, hopefully we can spread the love through us :)
ReplyDelete